مسجات عتاب وحزن

لاتشتري من حاولو يخسرونك *** ولاتخسر الي فكر بيوم يشريك
مافيه اجمل من صديق يصونك *** ولا فيه اقسى من قريب يعاديك
انا ورب البيت لو يخذلونك *** مهما حصل لايمكن اني اخليك



لاتحسب اني إذا ابطيت ناسيك *** ماينسى عشرة صاحبه غير الانذال
حدتني ظروفي على البعد لاجيك*** هم بوسط القلب والدمع همال
ولا انت ياكل الغلا افتخر فيك*** وحبك سكن داخل فؤادي ولا زال



خزنت لــك بالقــلـب عشــرة مــلايين *** ماهو رصيد فلوس لكن مـودة
زكـاة فطـرك تغـني جميع المســاكين *** من الساحل الشرقي الى حد جده
وامشي معك والله على العسر واللين *** والموت والمقسوم محدٍ يرده



يارفيق الدرب ماصدق نسيت *** خابرك مهما تعذبني حنون
لاذكرت ايامك الحلوة بكيت *** ماتهون ايام ودك ماتهون
راحتي وياك لامنك صغيت *** في ثواني كلها بوح وشجون
ولاقريت ابيات الرساله وانتهيت*** ودي اعرف في حياتك من اكووووون ؟؟؟



ياغايب عني لك الحب ماغاب *** مته تجي تشوف همي بعينك
ماطاب لي جرح ولا خاطري طاب *** مته يديني تحتضنها يدينك
ياصاحبي لو قالو الوقت كذاب *** يكفي كلامك ودافي حنينك
لو ان قصدي في الزمن كثر الاحباب *** ماقلت ياساكن الروح وينك


فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير



مايصير انساك لا مايصير *** في خفوقي لك محبه واحترام
قبلك الدنيا مثل حلم صغير *** وعقبك الدنيا غرام في غرام
انت مثل النور في عين الضرير*** لالمحتك مابقى حولي ظلام
فيك عمري فيك روحي والمصير ***فيك كل ايام عمري والسلام


كتبت انا في تالي الليل بيتين *** لعيون من يسوى جميع الخلايق
إلي معاهدني على الزين والشين *** وإلي بشوفة يصبح الفكر رايق
الصاحب إلي منزله داخل العين *** هو الخوي وقت السعه والضوايق


يفداك عمري يابعد عمر مغليك *** وتفداك روحي والعيون وسهرها
ابيع كل الناس يازبن واشريك *** والناس لأجلك مستعد اخسرها
امر وحنا ياهوى البال نرضيك *** يابسمة ايام العمر ياقمرها


حبٍ يغيب وصاحبه مابعد غاب *** وحبٍ يدوم وصاحبه في غيابه
وحبٍ يذوب خافقٍ مابعد ذاب *** وحبٍ يداوي صاحبه من عذابه
وحبٍ حياته كلها لوم وعتاب *** وحبٍ حقيقي مايضرك عتابه
وحبٍ بلا معنى وحبٍ بلا اسباب *** يبدأ غريب وينتهي في غرابه


سلام مني ياصلك فوق بطه *** بطه كبيرة من كبار البطاطي
ياراكبٍ ديك سريع محطه *** ان طار طاح ولا تشيله مواطي
بعض العرب ودك لسانه تربطه *** وإذا انفلت زودٍ عليه الرباطي
والحبل في دنياك لازم تنطه *** والشوي مايصلح بليا طماطي


لاتحسب اني إذا ابطيت ناسيك *** ماينسى عشرة صاحبه غير الانذال
حدتني ظروفي على البعد لاجيك *** همٍ بوسط القلب والدمع همال
ولا أنت ياكل الغلا افتخر فيك *** وحبك سكن داخل فؤادي ولا زال

سلام ياحـرٍ على بيض الاوكار *** حرٍ مواقيعه بروس الجبال
حـرٍ لــيـا وقع وحـرٍ لــيـا طـار*** وحرٍ يهابونه قروم الرجالي
حلياه تذهل كل عاشق وصقار*** عند العرب يضرب بطيبه مثالي خاصـ لك ــ انت ــــــــــة
الخواطر سايحه والشك زال ** ومن عرف مثلك عرف قيمة خويه
والذهب وان حاولوا ماله بدال ** والمشاعر بالغلا ماهي خفيه
والنوايا الصافيه اصدق دلال ** ويشهد الله شوفتك مثل الهديه


بعض المواقف تجي وتروح ماتبقى ** وبعض المواقف صداها بالعمر باقي
ياصاحبي لامعي تتعب ولاتشقى ** يتبدل الوقت واخلاقي هي اخلاقي
إن جيت ارحب واذا ماجيتني تبقى ** مال الردي والطيب عهد وميثاقي



تفضل ترى بالقلب دارك ومنزالك ** على ماتبي نفسي تجي وانت راعيها
ترفق بقلب صرت تلعب به لحالك ** يقول القصايد وانت بعده تغنيها
أحبك وأحب اسمك ورقمك وجوالك ** وأحب الديار اللي رجولك مشت فيها


ماكل عين تذرف الدمع بأحزان ** وماكل من يضحك يعيش بسعاده
كم واحد دمعه على الخد هتان ** من زود همه يذرف الدمع عاده
يحاول انه يبتسم قدر الامكان ** ويضحك ونار الحزن تحرق فؤاده


عزاه ياقلب ظروفه تحداه ** مامر به يوم من الهم سالي
وعزاه ياقلب فقد كل قواه ** وشدة عليه الحمل سود الليالي
على حبيب مابقى غير ذكراه ** اللي بنومي شفت زوله قبالي
وفزيت من نومي ابي القرب وياه ** وجدت نفسي في فراشي لحالي


ماكل من يضحك بوجهك يودك ** ولا كل من يبكي بكى صدق واحساس
أحدٍ بكى في غيبتك يوم صدك ** وأحدٍ ضحك يومك عليل ومحتاس
عش في حقيقه واعرف اللي يحبك ** واعرف قدر من هو يعزك من الناس


سلام لك من صادق القلب مشروح ** ياللي غلاك بداخل القلب ماراح
نــاس تجـــي وتروح ماهزت الروح ** وناس غلاها ثابت وسط الارواح
ياللي بنيت من الوفــا قصر وصروح ** قصر مشيّد مع هل الجود ماطاح


ياصاحبي كلن يولم جوازه ** ترى رفيقك خاطره حيل تعبان
اسرع تراني متجه يم كازه ** ودي ترافقني على خط تطوان
ناس كرمهم في بنات وقزازه ** وحنا نحسب ان الكرم ذبح خرفان


ماني من اللي يرخص النفس لاضاق ** ولاني من اللي يرخص اليوم غالي
سبحان ربي كرم النفس بأخلاق ** الطيب عمي ومصدر الجود خالي
واللي يبيني يمه الروح تنساق ** واللي سلاني عنه القلب سالي
وهذي مسجااااات حزن وعتااااااب

أخذت من الزمن حكمة

وتبقي للأبد نبراس

متي ماطال بي العمر

تبقي دوم بلساني

عرفت إن الخيانة طبع في عمر الزمن والناس

إذا ماخان بك واحد أكيد بيخون بك ثاني.


ــــــــــــــــــــــــــــــــــــــــــــــــــ ــــــــــــــــــ
محتاجك بدنيا قست فيها قلوب البشر

محتاجك في وقت تعب مني الصبر

ياخوفي تغيب والوقت علي يمر

آآآه وياخوفي ماألقاك والدنيا بعدك ماتسر

حبيبي تعال تعال تعال تـــــــــعال لاتنسي قلب صانك ولا عمره غـــــدر.


ــــــــــــــــــــــــــــــــــــــــــــــــــ ــــــــــــــــــــــــــ
ماني الوحيد إللي من الحب مجروح

كم واحد بهدنيا من الحب قد صاح

بعض الألم ياخذ أيام ويروح

وبعض الألم تمضي له شهور وسنين ماراح

إذا الهوي عندك سواليف وضحك ومزوح

أنا بقلبي آهات وحزن والآم وتناهيد وجراح


ــــــــــــــــــــــــــــــــــــــــــــــــــ ـــــــــــــــــــــــــــــــــــــ.


إلتفت صوبي وعاهدني عهد
قبل تنساني تنسيني غلاك عفت أنا حبك
ومليت من دربك
وصار فراقنا أرحم
من التعذيب في نارك
انا مليت ذاك الحب
ولاعندي امل رجعه
لغيري وفر أعذارك
نويت أبعد
نويت أنساك
وإذا عيني لمحت عينك
نسيت كل ماقلته
" وحـــــبـــــيـــــتـــك "
ــــــــــــــــــــــــــــــــــــــــــــــــــ ــــــ


أعرف انك ..
تعرف اني ..
( أحبـك )
مابهـا تشكيـك!
ولكنك ..
( بنفـس الوقـت )
تنـسى انـك
(نظـر عينـي)

نعم .. مجنون
مابيهـم..
يقولـوا : (ربنـا .. يشفيـك)
مادام ..
ان حبك جنوووونـي
( ( عسـى الله لايشافينـي ) )


ــــــــــــــــــــــــــــــــــــــــــــــــــ ــــــــ


كنتي
(مالي) و (ماسي) و (اذهبي)
كيف صار
(المنتصر) فيك (مغلوب)
لو شمال من الهوى
لو تغربــي!!
لو (شراعك) في (بحـــر)
غيري يجوب!
ما تلاقي مثل
((قلبي)).. وجربي!!
لا يمل..
ولا يخون..
ولا يتوب..!!

ــــــــــــــــــــــــــــــــــــــــــــــــــ ـــــــــــ
لو قلت لك قصة حياتي بالابيات
كان ادمعت عينك بدل دمعها دم
محبوس منها داخل العين عبرات
وقلبي في ذكراها حزين ومهتم
قصة تعاسه حزن آلام وآهات
جرح وعذاب القلب هم ورى هم


ــــــــــــــــــــــــــــــــــــــــــــــــــ ــــــــــــــــــ

أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره


ــــــــــــــــــــــــــــــــــــــــــــــــــ ـــــــــــــــــــ


تخيل وأنا جالس بين
الناس وحداني!
تذكرتك وقمت أضحك
بس العين زعلانه !
راحت تشتكي وتقول:
متى بشوف خــلاني ؟
وفجأه !
إذا بالناس بدت تسأل ؟
ورى عينك تصب الدمع ؟
عسى ماهو خبر شين ؟
تبسمت وقلت لهم:
لا ! جفون العين تعبانه !


ــــــــــــــــــــــــــــــــــــــــــــــــــ ــــــــــ
بنيت للاحزان من عقب فرقاك
قصر طويل خالدٍ في حشايا

وطفيت شمعات الامل في ملا قاك
والله بموت الحب يجبر عزايا

مات الامل والقلب عامر بذكراك
ماعاد اميز ضحكتي من بكايا