ماتت امانينا ؟؟؟؟؟؟

::::::::::::::::::: خواطر و اشعار :::::::::::::::::::

باقة مختارة من اجمل القصائد



قالت و قلت ...!!!!

قالت : احبك
قلت: احبك و احب حبك
قالت : اموت فيك
قلت: عسى عينك ما تشوف الموت قبل عيني
سهم حبك.......صايب .......قتلني .......
و بدمي اغرقني
كان سهم واحد و يا ريته الف الف سهم
و عساني اعيش و كل ما عشت يقتلني
قالت : على البال طيفك
قلت : ما اشوف الا طيفك
و عساني ما اشوف الا طيفك
بكل عين المح عينك
و بكل خيال اشوفك
قالت : احبك و احب روحك
قلت : القلب و البال و الروح اسير حب قلبك و روحك
القلب مسلوب و البال مشغول و الروح مسافرة عندك
قالت : ما يهمني الا حبك لا يهمني شكلك ولا لونك
قلت : حبك عمى عيني عن غيرك
ما شفت جمال بعد جمالك
حتى الجمال يغار من جمالك
شعرك ليل يلمع بالنجوم اسود و حالك
عيونك بحر غرقت وشفت فيه المهالك
و ثغرك يخبي وراه عقد من اللولو متناسق سبحان من ركّبك
لو تكلم الكل يسمع و يتعجب من زين كلامك
و الصوت اه من الصوت كم ترنمت على الحان صوتك
يعزف على اوتار القلوب عسى القلب يصبر على ترانيمك و تقاسيمك
كاملة مكملة سبحان من صورك لسان حالي كل ما اشوفك او اتذكرك
قالت : قتلني غرامك و من ثم قتلني كلامك
قلت : كيف المقتول يقتل قاتله ........
و الله احترت في حالك