توك صغيره وابتديتي تحبين
من علمك ليل السهر يا صغيره
بدري عليك العشق يابنت هالحين
حرام هاذا القلب وشو مصيره
انتي بريئه في الهوى ليه تشقين
صدماته لقلبك تراها خطيره
عيشي الطفوله واتركي الحب بعدين
ودروبه طوال عليك و عسيره
الشوق يفضح لا انكشف داخل العين
وانتي بنفسك ماهقيتك بصيره
ان كان قصدك با المحبه تسلين
بالعكس بتشوفين هم وحيره
الحب قبلك هز ناس كثيرين
خلا القلوب تعيش خوف وغيره
طيعي كلامي واحذري لا تمادين
تراجعي لعل في الامر خيره
عيشي الطفوله والبراءه لك سنين
وبعدين حبي لاغديتي كبيره
موضوع: قصيدة نصح البعد عن الحب 
الأربعاء سبتمبر 03, 2008 11:54 am
