--------------------------------------------------------------------------------
بجوفي هموم ماشي للبحر
أرمي كل همومي يمكن ينسيني
**
يأست من الناس ومات الصبر
ماحد يسمعني ولاحد يحس فيني
**
وجيتك يابحر ميت من القهر
أبي منك تراعيني وتراضيني
**
جسمي نار.. بركان وجمر
ومايك يابحر يبردني ويطفيني
**
رميت نفسي فيك من عالصخر
أمنت لك يابحر تأمني وتحميني
**
غمضت عيني وجنه صوتك يابحر
يناديني .. يعاتبني .. يحاجيني
**
أنا بحركم وكنت أحلى بحر
وشان رزقكم كنتُ تجوني
**
شايل همومكم كلها من دهر
أخفف عنكم والحين سمعوني
**
الناس لول كانو بشر
ياخذون مني ويعطوني
**
ألاقيهم من أول الفجر
ينامون جنبي ومايخافوني
**
والحين هالبشر ماهم بشر
يسموني يدفنوني يردموني
**
وصاير بحركم مو بحر
أوصاخكم تقطونها فيني
**
الي بينا كان فخار وانكسر
والي يجيني اغرقة بيديني
**
بس يابحر انا جاي لك مو أنتحر
جيتك تضمني تمسح على عيني
**
وين صوتك يابحر أنا انتظر
لا ترحل عني وتخليني
**
سلمت نفسي لك وللقدر
الله يسامحك والله يسامحني
**
فتحت عيني على ضوء القمر
ومايك يابحر يبلل خديني
**
وضليت كل يوم في كل شهر
أحاكي وأهو يحاكيني
***
موضوع: حوار بين غريق والبحر 
السبت أغسطس 23, 2008 7:06 am
